ENQERE - Serokê Giştî yê MHP'ê Devlet Bahçelî, têkildarî fuzeyên ku ji Îranê ber bi qada hewayî ya Tirkiyeyê ve hatin avêtin û paşê hatin îmhakirin, got: "Em dixwazin bawer bikin ku ev ne helwesteke qesdî ye." 

 

Serokê Giştî yê MHP'ê Devlet Bahçelî, di komcivîna heftane ya partiya xwe de axivî. Bahçelî ku di rojeva wî de êrişên DYA-Îsraîlê yên li ser Îranê hebûn, got ku ev êriş şerekî qirêj e. Bahçelî diyar kir ku di roja 11'an a êrişan de her diçe bilanço zede dibe û got: "Fuzeyên beranberî hev tên avêtin, sondên tolhildanê yên şer gur dikin, suîqastên ku berbelav bûne, tevgerên hewayî yên bênavber û sabotajên li dijî welatên kendavê, di rojeva me hemûyan de ne. Her wiha 11 rojên şerê dîjîtal, şerê derûnî û şerê propagandayê yên bêhempa tên kirin. Tiştekî derî aqilan û pir talûke herêma me dorpêç kiriye." 

 

Bahçelî ku têkildarî fuzeyên ji aliyê Îranê ve ber bi Tirkiyeyê ve hatin avêtin û paşê hatin îmhakirin axivî, got: "Daxuyaniyên Îranê yên di wesfê lêborînê de, xwedî qîmeteke dîrokî ne. Lê belê muhîmata ku di 9'ê Adarê de ji Îranê ber bi Tirkiyeyê ve hatin avêtin û paşê hatin îmhakirin, serê me tevlihev dike. Divê her welat hişê xwe bide serê xwe. Tirkiye ne ew welat e ku li ser qumar bê lîstin. Em dixwazin bawer bikin ku ev ne helwesteke qesdî ye."